“Wenn immer alles so einfach wäre” kënnt dës Woch an d’Librairien

June 18th, 2018

Wann ëmmer alles esou einfach wär, da kéim mäi Buch elo an d’Butteker a géif vun all Mënsch gelies ginn, dien däitsch versteet a liese kann. Da ging et am Hierscht zu Frankfurt op der Bicherfoire virgestallt ginn, op ARTE an op 3Sat gingen se Reportagen driwwer maachen, esouguer an der Tagesschau ging driwwer geschwat ginn, en décken däitsche Verlag ginn et eng zweete Kéier publizéieren an et kéim op déi éischte Plaz vun de Spiegel-Bestseller.

Dono ging et a wéinstens 2427 Sproochen iwwersat, an England an an den USA ging et sech milliounefach verkafen at et ging mat Präisser iwwerheeft. D’Buch wir e Weltbestseller an ech kréich de Literatur-Nobelpräis, wann ëmmer alles esou einfach wär.

Mäin neit Buch soll dës Woch an déi puer Bicherbutteker kommen, déi et hei zu Lëtzebuerg nach gëtt, a wann et sech 400 bis 500 Mol géif verkafen, da wir et ee Bestseller. Mee esouguer dat bleift nach Wonschdenken.

“Wenn immer alles so einfach wäre” - mäin neit Buch erschëngt an dienen nächsten Deeg

June 1st, 2018

Et ka sech just nach em Stonnen handelen, dann ass et do…

Den 3.10. kënnt dir iech scho virmierken: dann ass Release Party: wéi, wou, firwat a mat wiem gëtt nach net verroden.

An heierëms geet et:

Greg Wiesinger lebt in Berlin und ist Firmenberater, er hat nach langen Jahren als Kulturagent nun seine eigene Firma gegründet. Er wird nach Luxemburg gerufen, um das Tourismusministerium bei der Entwicklung des sogenannten „Nation Branding“ zu begleiten.
Hier lernt er die hohe Ministerialbeamtin Nora Zeimes kennen und verliebt sich in sie. Auch Nora möchte ihr Leben ändern, sie kündigt ihre Stelle und zieht aufs Land, in das abgelegene Haus des Luxemburger Autors und Lebenskünstlers Jempi Nosbusch, der, schwerkrank, sich vor kurzer Zeit das Leben genommen hat.
Hier trifft sie auf den jungen Tim, der dem kranken Schriftsteller auf dessen letzten Tagen zur Seite stand und bei der Gartenarbeit geholfen hat. Doch auch Tim sucht nach neuen Wegen; er zieht nach Deutschland und arbeitet dort auf einem Bauernhof, wo alternative Anbau-, Vermarktungs- und Lebensformen ausprobiert werden.
Hannah, Gregs Ehefrau, ist freischaffende Künstlerin, die vor allem in kaum oder schlecht bezahlten pädagogischen Kunstprojekten in Berliner Schulen arbeitet und so finanziell abhängig von ihrem Mann ist. Sie sehnt sich nach sozialer Anerkennung, ist bereit, vieles dafür in Kauf zu nehmen, muss allerdings damit leben, dass Greg sie immer wieder mit anderen Frauen betrügt. Ein sexuelles Abenteuer ihres Mannes mit einer Ex-Kollegin bringt das prekäre Gleichgewicht ihrer Beziehung zum Kippen und stellt die Lebensmodelle der Protagonisten in Frage.
Dem modernen Leben überdrüssig, versuchen die Figuren in Roland Meyers neuem Roman „Wenn immer alles so einfach wäre“ dem Hamsterrad der beständigen Selbst-Optimierung, der immer weiter zunehmenden Anforderungen der Konsumgesellschaft, des immer größeren Drucks und der immer weniger werdenden Ressourcen zu entkommen, indem sie reduzieren - „weniger ist mehr“ - indem sie aussteigen, sich zurückziehen, indem sie alles scheinbar Überflüssige abstrahieren: „Alle diese schrecklichen Katastrophen der letzten Jahre, Finanzkrise, Terror, Klima, hatten mein Leben, mein ganz reales Alltagsleben überhaupt nicht erreicht, nicht berührt und schon gar nicht beeinflusst. Diese ganze verdammte Hysterie, diese ganzen verdammten Ängste bestanden in den Köpfen der Menschen. Wenn ich davon nichts wusste und mitbekam, kam die Angst nicht an mich heran. Und da ich mich immer weiter absonderte, kaum noch Besuche bei Freunden, einkaufen nur noch, wenn es gar nicht anders ging, machte sich nach und nach etwas in mir breit, das ich bis dahin nie gekannt hatte: eine tiefgreifende, erlösende Entspanntheit.“

Multiperspektivisch, spannend und modern erzählt, pendelt der Roman, wie seine Protagonisten auch, zwischen der hektischen Metropole Berlin und der Abgeschiedenheit des Luxemburger Nordens, beleuchtet die hippe, grelle, alternative Szene Kreuzbergs und kontrastiert sie mit dem konservativen, bürgerlichen Milieu von Luxemburg-Stadt.

Eng nei Rei Liesungen: Kannerbicher fir erwuesse Leit

May 28th, 2018

Vum Hierscht un kënnt dir –> Schoulen, Maison relaisen, Bibliothéiken, Kulturheiser, etc … eng nei Form vu Liesung buchen: “Kannerbicher fir erwuesse Leit”.

Hei déi éischt Informatiounen:

De Roland Meyer huet elo seng Trilogie vu “Kannerbicher fir erwuesse Leit” ofgeschloss. Dozou gehéiert den 2004 fir d’éischt opgeluechte Klassiker vun der Lëtzebuerger Kanner- a Jugendliteratur “Den décken dommen Dudu”, d’Geschicht vun engem vill ze décke Jong, dien et an der Schoul net einfach huet. “Mango Panda” ass am Joer 2007 erschingen an thematiséiert “d’Irrungen an d’Wirrungen” vun engem 12-jährege Meedchen, dat sech déi éischte Kéier verléift. 2017 dunn ass mat “Tel Mo” dat drëtt Buch aus der Serie erauskomm, wat de “Lëtzebuerger Buchpräis 2017” gewonnen huet an op der Shortlist fir de Servais-Präis 2018 war. Hei geet et em ee portugisesche Jong, die weder Halt a senger Famill nach an der Schoul fënd a seng Zerrassenheet versicht duerch Gewalt ze kompenséieren.
Dës Bicher beschäftegen sech allen dräi mat ganz eeschten an zum Deel esouguer existenzielle Problemer vu  Kanner a Jugendlechen, dat iewer all Kéier op eng ganz humouervoll Aart a Weis, ouni moraleschen Zeigefanger an ëmmer mat vill Léift an Empathie fir d’Haaptcharakteren. Allen dräi sinn et “coming of age”- Geschichten, déi weder an de Kitsch nach a verlugen Draamwelten ofdriften, mee d’Problemer beim Numm nennen; ebe Kannerbicher fir erwuesse Leit.
Fir Kanner ab zéng Joer, am flottsten zesumme mat hiren Elteren, iewer och fir all Erwuessenen, dien déi hoffnungsvoll Freed an déi onerhéiert Gréisst vum Kand-Sinn nach net vergiess huet, liest de Roland Meyer kuerz, lëschteg an ironesch Geschichten aus dësen dräi Bicher an zesumme gëtt iwwer dat, wat Kandheet am Moment hei zu Lëtzebuerg ausmécht, diskutéiert.
Den 8. Januar 2019 ass déi éischt Liesung am Mamer Kinneksbond.

En Dënschdeg, den 8.Mee Food Leaks an der Stad

May 6th, 2018

Am Cité Auditorium (3, rue Genistre) ass um 18.30 en Dënschdeg, den 8. Mee, déi nächst kabarettistesch Liesung.

Hei ass den Entrée fräi, allerdings sollt een sech ënnert 4796 2731 oder bibliotheque@vdl.lu umellen.

An den Eros vun der Spuerkeess-Agence ass natierlech och dobäi!

Ech free mech an hoffen nees fit ze sinn.

“The Winklepickers” an der Lënster Stuff

May 1st, 2018

Den 2. Mee um 21.00 Auer ass et nees esou wäit: ee vun dienen op de Fangeren ofgezielte Gigs vum Roger a vu mir: dës Kéier an der Lënster Stuff.

Fir all déi, déi zu Veinen net bäikomm sinn…

Fir all déi, déi handgemaachte Musik gär hunn: zwee Männer, eng Gitar, eng Harmonika an dräi Akkorden…

Fir all déi, déi fir de Blues brennen…

… an natierlech och fir all déi aner, déi einfach nëmmen e saucoolen Owend verbrénge wëllen.

Best Stuff!

Dës Woch dräimol “Food Leaks”

May 1st, 2018

Food Leaks den 1. Mee um groussen OGBLs-Fest am Neimënster: een Deel um 14.00 Auer an een um 16.00 Auer.

Food Leaks iewer och den 3. a 4. Mee zu Miersch am Kulturhaus ëmmer um 20.00 Auer. A sollt dir nach keng Tickets hunn, da klickt hei:

 https://www.luxembourg-ticket.lu/de/8/eid,11474/food-leaks.html

Food Leaks - hei déi nächst Terminer

March 26th, 2018

25.4.: Sandweiler - 01.05.: Neimënster Lëtzebuerg - 03. & 04.05: Kulturhaus Miersch - 08.05.: Cercle Lëtzebuerg - 18.05.: Diekirch / Äppel a Biren - 28.09.: Housen - 13.10.: Lëntgen - 19.10.: Peppeng - 26.11.: Differdange / Aalt Stadhaus - 28.11.: Kulturhaus Nideranven

Wenn immer alles so einfach wäre

March 26th, 2018

Esou lues gëtt et Zäit!

Zäit fir een neit Buch an Zäit fir driwwer ze schwätzen. Am Abrël 2016 hunn ech et zu Miami ugefaangen, dat ass schonns eng Zäitchen hier, et ass op Däitsch, wat net nei bei mir ass, “Spring auf!”, “Mission geheimer Stollen” an “Jim Keane” waren et och schonns, e puermol sinn ech op Berlin gefuer, fir ze recherchéieren an elo ass et geschwë fäerdeg. D’Korrekture si gemaach, merci Raphaëlle, Doris a Gollo, de Cover ass do, merci Eric! Et muss just nach gedréckt a gebonne ginn. Ech freeë mech wéi bänzeg.

Geschwë weider Informatiounen.

Zweemool “Food Leaks” dëse Weekend

March 23rd, 2018

Lass geet et den Owend zu Woltz am Brandbau (23.3. um 20.00 Auer) a weider geet et mar bei der LSAP zu Habscht. Do gëtt et och eppes ze jicken.

Et sinn elo nach eng ganz Rei Terminer bäikomm… Wann dir och ee Food Leaks wëllt buchen, da maacht iech elo bäi.

Ech freeë mech.

Den Tel Mo ass op der Shortlist fir de Servais-Prais

March 20th, 2018

Domat hätt den Telmo bestëmmt net gerechent! Säi Buch ass op dier nei-agefouerter Shortlist fir de Servais-Präis. An dat a ganz gudder Gesellschaft: Pol Greisch, Nico Helminger, Geoges Hausemer, Tom Nisse… an - eben - den Telmo.

“Yo Mann!”
Ech hoffen elo, datt net nëmmen d’Buch mee och den Telmo selwer déi Opmierksamkeet kritt déi e brauch. Ech sinn déck frou.

Dat hei seet RTL.