Roland-Meyer.lu

“Hutt dir schonn eng Kéier Zombien an der Foussgängerzon gesinn? Falls dat de Fall ass an der awer gär méi genee wéisst, wat hannert deenen apaarten Passanten stécht, dann lount sech d’ Lecture vum Daniel Luciani sengem Artikel op forum.lu. Si erméiglecht nämlech eng wëssenschaftlech Ausernanersetzung mam Thema vun eisem nächsten public forum, deen den 18.1. an de Rotondes stattfënnt. Dann geet et ëm den Ëmgang mam Doud an der Ëffentlechkeet.Wéi schonn bei der Diskussioun mam Titel “Refugees Welcome?”, hunn mir och fir dësen public forum rëm Mënschen agelueden, déi sech schonn op déi eng oder aner Aart a Weis mam Diskussionsgeigenstand befaasst hunn. Deementspriechend kréien mir den nächsten Méinden Input vun:

15.1.: Zikelalarm - Woltz

19.1.: Zikelalarm - Miersch

27.1.: Zikelalarm - Ierpeldeng / Ettelbréck

29.1.: Zikelalarm - Staadt Lëtzebeurg

16.2.: Zikelalarm - Walfer

4.3.: Zikelalarm - Käerch

22.3.: Roughmix - Mamer

12.4.: Roughmix - Betebuerg

15.4.: Roughmix - Angelduerf / Ettelbréck

An dëser Lëscht sinn net d’Liesunge fir Kanner agedroen.

Wann dir un enger Liesung interesséiert sidd, dann zéckt net, mech ze kontaktéieren.

“Klamm bei kee Friemen an den Auto!” - “Maach kengem d’Hausdier op, dien s de net kenns!” - “Huel keng Séissegkeeten vun engem Onbekannten!”

Wat fir verpasste Chancen!

Sécherheetsdenken…

Nicolas Premier

Frot Dir Iech och dacks, firwat déi eng oder aner Elteren hier Kanner op Plaze matschleefen, op dienen se definitiv näischt verluer hunn?

Esou eng Plaz waren d’Expositiounshalen, an dienen de Premier elo just ugefaangen hat, seng Ried ze halen. Eng laang Ried, eng komplizéiert Ried, déi fir die klenge Männchen, die säi Papp elo just nieft mech gestallt hat, esou zimlech dat langweilegst muss sinn, dat dien sech virstelle kann.

Wéi de Premier ugekënnegt huet, d’Steieren erofzesetzen, eppes wat en an all Sonndesried versprécht, dun huet de Papp vun Jong zu mir gesot, datt de Premier elo nees Kleesche géif spillen an de Leit Kadoe verspréich.

Dem Jong seng Aen iewer hunn ugefaangen ze liichten, wéi hien dat Wuert „Kleeschen“ héieren huet, grad esou wéi meng fréier ëmmer geliicht hunn. Ech hu gesinn, wéi fir de Bouf aus diem groen, oninteressante Premier die Mann mam laange wäisse Baart ginn ass, mat diem komeschen Hutt um Kapp, engem laange Bengel an der Hand, gekleed an diem roude Mantel, die bis op de Buedem reecht. Och ech hunn dien viru mir gesinn.

An die Kleeschen, dien elo virun eis stung, huet net méi vu Steieren a Scholden an EU-Aussegrenze geschwat, mee vu Séissegkeeten a Spillsaachen huet e geschwäermt. Hien huet all Mënsch wëllkomm geheescht, jo, hien huet „Mënsch“ gesot, net Lëtzebuerger oder Auslänner, net Strummert, Chomeur oder Banker, net Chrëscht, Moslem oder Judd. An hien huet jidderengem genuch fir z’iesse versprach, een Daach iwwerem Kapp, Bicher an ee Schoulmeeschter, a Leit, déi et gutt mat em mengen.

Dem Bouf a mir ass et waarm ginn, et louch eppes Tréischtleches iwwer den Halen, d’Luucht war net méi esou kal an haart a wann s de ganz gutt gelauschtert hues, konns de héieren, datt vu Fären, eng roueg, einfach Melodi lues a lues de Sall ausgefëllt huet.

©Roland Meyer

Zeitung vum Lëtzebuerger Vollek
Le livre de chez nous à l’honneur
Michel Schroeder
“Pour son roman Roughmix, publié aux Editions Op der Lay, Roland Meyer a remporté le Prix Servais 2015. En 2013, son roman Muedebëtzeg avait déjà été couronné par le Lëtzebuerger Buchpräis. Roland Meyer n’hésite pas à effectuer dans ses livres, une critique acerbe de la société luxembourgeoise. Les travers de cette société soi-disant si bien-pensante ne lui échappent pas. Au fil des années, l’auteur a réussi à se faire une belle renommée avec ses livres pour enfants. Vient de paraître récemment chez le même éditeur de la belle cité d’Esch-sur-Sûre, son nouveau livre, un texte dans le plus pur esprit du cabaret, sous le titre Zikelalarm. Si vous avez l’occasion d’assister à une lecture de ce texte faite par l’auteur, vous rirez aux larmes, conquis par son ingénieux talent. Zikelalarm dit l’école et tout le système dont elle fait partie, avec des points au sujet desquels il nous faut bien secouer la tête. La réforme est loin de remporter tous les suffrages, avec raison. L’école vit sous nos yeux, revit aussi, car l’auteur met en scène de multiples facettes de la vie à l’école, aujourd’hui et hier. Une chose que Roland Meyer ne fait pas : balayer sous un tapis, ce qui dérange. Bien au contraire, il n’hésite pas à mettre en lumière les travers de notre société, ce pour notre plus grand bonheur. Il nous donne des leçons, tirons-en profit, ce pour le plus grand bien de la société.”

Muedebëtzeg

Roughmix

Zikelalarm

En Dag am Liewen vun engem Enseignant… dat ass de Motto vum Zikelalarm II, der kabarettistescher Liesung iwwer d’Erzéiung zu Lëtzebuerg. Vun a mam Roland Meyer.
Den 11.12.2015 um 19.30 Auer zu Consthum am Centre Culturel.

A wien dat wëll, kritt vun18.30 Auer un och nach eng gutt Gulaschzopp.

Den Text vum Zikelalarm I gëtt et och als Buch, ass bei Op der Lay erauskomm, an elo schonns zanter sechs Méint an de Bestsellerlëschten.

Lues a lues publizéiere mir de Programm Kouhändel.

Haut ginge mir Iech proposéieren:

Mataarbechtergespréich

L.A.S.A

Titanic

Vill Spaass!

Zikelalarm vun a mam Roland Meyer … um Tour:

11.12.: Consthum

15.1.: Woltz

19.1.: Miersch

27.1.: Ierpeldeng

29.1.: Lëtzebeurg

16.2.: Walfer

4.3.: Käerch

All Joer fänken den Alain Adams an ech de 6. Januar, also op 3-Kinneks-Dag, un, um neie Programm ze schaffen. De Schreifprozess zitt sech méi oder wéineger intensiv iwwer d’ganz Fréijoer bis ufangs August. Da kréien d’Acteuren an d’Actricen d’Texter, an eng éischt Liesprouf kënnt gläich drop. Bis zum Oktober gëtt nach um Programm gebastelt, d’Stécker komplettéiert an da fänken d’Prouwen zu Pëtten un. Dat ass dann déi intensiv Phase mat ca 4 Prouwen d’Woch, net vill Schlof a ganz vill Opreegung an Onrou.

D’Publicitéitsaarbecht kënnt dobei an och d’Ofstëmmung mat de Kulturheiser. Mëtt November ass dann d’Première a vun elo u bläift keng Zäit méi fir näischt… just nach funktionnéieren muss de, d’Opreegung kontrolléieren an de Ball flaach halen.

Dat hu mir elo alles hannert eis, an et bleiwe just nach zwou Virstellungen. Haut a mar zu Biergem am Nëssert. Solls de dech do freeën? Soll een zefridde sinn, nom Motto, alles gutt gelaf, endlech eriwwer? Engersäits schonn, mee et stécht och e gutt Stéck vun engem selwer an esou enger Produktioun, e ganzt Joer Aarbecht mat Enttäuschungen a mat Freed a virun allem mat vill Kontakter a Kooperatioun. Gemëschte Gefiller elo zum Schluss…

“Op der Lay” ass “up to date”; merci Eric Steffen!

De Servais-Präis 2015 gëtt et och elo an digitaler Form:

Hei gëtt et e fir Amazon Kindle

An hei fir all iApparaten: iPad, iPhone, iPod, Mac …