Roland-Meyer.lu

Wien hätt dem Didier esou eng Konditioun zougetraut?

2004 erauskomm, 2008 an déi 2. Oplo gaang, 2013 dunn an déi 3. an elo ass hie bei dier 4. ukomm. Deemno e risegen Erfolleg fir esou ee “Fettsak mat spezifischem Förderbedarf” oder eben en Dys-Kid, wéi dat haut esou mediewierksam heescht.

Hei kritt dir d’Buch, … wann dir et net scho laang hutt.

“Den Didier Dusseldorfer, die vun all Mënsch just Dudu genannt gëtt, ass net zefridde mat sengem Numm: et sinn einfach zevill Deeën drann! Wéi kann aus engem Jong eppes ginn, dien esou een Numm huet?

Mee dat ass net dien eenzege Problem vum Dudu, neen, hien esst och zevill, a wëll en dat elo schonns zanter datt hien sech erënnere ka mecht, ass aus him en zimlech décke Kärel ginn. An esou huet hien et dann och schwéier, fir an enger Welt, wou et ëmmer méi em d’Ausgesi geet, zu eppes ze kommen.

Hien ass an d’Ginette vertléift, mee traut sech net, hatt unzespriechen. Hie gëtt verdächtegt, an der Schoul d’Toilettendiren futti gemaach ze hunn, mee hie bréngt et net fäerdeg fir ze soen, wien et wierklech war. An der Welt vun der Tëlé kommen esou Kanner wéi hien net vir; am Bravo zielt hien iwwer 800 Fotoën, mee et sinn der just zwou drënner, vun décke Leit: hie versteet net firwat. Den Dudu flücht sech a seng eege Welt. Eng Welt, déi hie sech esou zesumme reimt, wéi se him passt an zum Schluss kritt hie grouss Problemer, fir de Buedem ënner de Féiss net ze verléieren.

Dem Auteur ass hei de Portrait vun engem 12-13jähregen Jugendleche gelongen, wéi et der bei eis ëmmer méi dacks gëtt. Wivill Kanner hunn haut schonns zolitt Gewiichtsproblemer a kee Mënsch, dien hinne kënnt weisen, wéi een domadder emgoe kann? Famillen, déi ausernee falen, Schoulen déi op esou Problemer net agestallt sinn a eng Mediewelt, déi ëmmer méi zur Scheinwelt gëtt an diene Jonken e Liewe virspillt, dat et esou net gëtt… Mat dem décken dommen Dudu liest Dir eng modern Erzielung, déi et an dëser Aart zu Lëtzebuerg net gëtt. E ganzt wichtegt Buch och fir all Leit, déi eppes mat Kanner ze dinn hunn, a Kanner Eescht huelen!

De Roland Meyer ass Auteur, Kabarettist (Kabaret Sténkdéier a Lëtzebuerger Revue), (Kanner-)Theaterregisseur, Bluesmusiker a Schoulmeeschter.
2012 kruet hie fir „Muedebëtzeg“ de Lëtzebuerger Buchpräis fir Literatur an 2015 de Servais-Prais fir “Roughmix”.”

Freides, den 29. Januar um 19.15 Auer am Restaurant INSIDE; 37, avenue Pasteur, Luxembourg

fgil@ats präsentéiert:

Zikelalarm II

e Liesowend vun a mam Roland Meyer

Weider Infoe gëtt et hei

En Dag am Liewen vun engem Enseignant… dat ass de Motto vum Zikelalarm II, der kabarettistescher Liesung iwwer d’Erzéiung zu Lëtzebuerg. Vun a mam Roland Meyer.

Haut den Owend, de 27.1.2016 um 19.30 Auer geet et lass. Zu Ierledeng bei Ettelbréck an der Schoul.

Entrée 8 €/ Ierzebulli 6€

Reservéiert är Plazen iwwert lucien.weis@education.lu oder 691 687 384 bis de 24.01.2016

Den Text vum Zikelalarm I gëtt et och als Buch, ass bei Op der Lay erauskomm, an elo pünktlech an der zweeter Oplo do.

D’AIP organiséiert dës Soirée de 16.2. um 20.00 Auer am Centre Prince Henri zu Walfer. Hei den Text:

„ZIKELALARM II: eng kabarettistesch Liesung mat dem Roland Meyer.
Kommt zu ganz dacks a loosst ons nach emol zesumme laachen iwwert „en Dag am Liewe vun engem Enseignant…“.
Dat ass de Motto vum Zikelalarm II, der kabarettistescher Liesung iwwer d’Erzéiung zu Lëtzebuerg.
Wou? –> an der Salle de projecJon ( 1. Stack ) vun dem Centre Prince Henri zu Walfer
Wéini? –> de 16. Februar 2016 um 20h00
Den Entrée ass fräi
Well d’Plaze limitéiert sinn op 70, meld iech w.e.g un op der email-Adress: joelle.niederweis@education.lu a sot ons, wéivill Plazen dir reservéiert - déi Ëischt si vir!”

Wéinst dem Schnéi war en ofgesot ginn, elo gëtt et en neien Datum: den 19.2. um 19.30 Auer.
“Aktionismus! Et muss eppes geschéien an et ass och komplett egal wat, mee et muss ëmmer eppes um Lafe sinn. Datt all déi Eenzelmoossnamen, elo nees 89 Stéck, 89, dat muss een sech emol virstellen, dat muss een sech op der Zong zergoe loossen(!), datt déi all seelen an déi selwecht Richtung zéien, stéiert déi mannst.
Wivill esou gehierverbrannt, total iwwerflësseg a just zu Alibizwecke genotzte Mossnahmen goufen an diene leschte Joeren op Orbit geschoss, iwwer de gringe Kléi gelueft an dono an de Gins gesat: wiem hu se eppes genotzt, wien hat se gefrot, a wat hu se kascht!?
Mir Erwuesse reegen eis driwwer op, … mee d’Kanner mussen et ausbueden!”

e Mëttwoch, de 27. Januar 2016
ëm 19.30 Auer am Hall vum Schoulzentrum Ierpeldeng
Entrée 8 €/ Ierzebulli 6€
Reservéiert är Plazen iwwert lucien.weis@education.lu oder 691 687 384 bis de 24.01.2016
(mat oder ouni Ierzebulli)

En Dag am Liewen vun engem Enseignant… dat ass de Motto vum Zikelalarm II, der kabarettistescher Liesung iwwer d’Erzéiung zu Lëtzebuerg. Vun a mam Roland Meyer.

Den Zikelalarm II, dien den Owend, de 15.1. um 19.30, zu Woltz am Prabelli sollt sinn, ass wéinst dem Schnéi ofgesot!

“Hutt dir schonn eng Kéier Zombien an der Foussgängerzon gesinn? Falls dat de Fall ass an der awer gär méi genee wéisst, wat hannert deenen apaarten Passanten stécht, dann lount sech d’ Lecture vum Daniel Luciani sengem Artikel op forum.lu. Si erméiglecht nämlech eng wëssenschaftlech Ausernanersetzung mam Thema vun eisem nächsten public forum, deen den 18.1. an de Rotondes stattfënnt. Dann geet et ëm den Ëmgang mam Doud an der Ëffentlechkeet.Wéi schonn bei der Diskussioun mam Titel “Refugees Welcome?”, hunn mir och fir dësen public forum rëm Mënschen agelueden, déi sech schonn op déi eng oder aner Aart a Weis mam Diskussionsgeigenstand befaasst hunn. Deementspriechend kréien mir den nächsten Méinden Input vun:

15.1.: Zikelalarm - Woltz

19.1.: Zikelalarm - Miersch

27.1.: Zikelalarm - Ierpeldeng / Ettelbréck

29.1.: Zikelalarm - Staadt Lëtzebeurg

16.2.: Zikelalarm - Walfer

4.3.: Zikelalarm - Käerch

22.3.: Roughmix - Mamer

12.4.: Roughmix - Betebuerg

15.4.: Roughmix - Angelduerf / Ettelbréck

An dëser Lëscht sinn net d’Liesunge fir Kanner agedroen.

Wann dir un enger Liesung interesséiert sidd, dann zéckt net, mech ze kontaktéieren.