E Freideg an e Samschdeg presentéiere mir eisen neien “Winklepickers-CD” am Gronn an zu Veianen.
E Mëttwoch sinn ech zesumme mat Bintze Claude vun Crossroads um “20vir” op RTL.
Dono um 20.00 Auer op Radio ARA am Juke Joint an e Freideg um 100,7.
Da misst jo jidderee Bescheed wëssen:-)…
Hei ass Juke Joint fir all déi dës Emissioun nach net kennen.
Just nach eng Woch bis zum Release vun eisem neien CD “Haddocks and French Kisses”. Zweemool stelle mir zesumme mat Crossroads dien neien CD vir:
10.2. um 21.00 Auer am Sang a Klang an der Staadt
11.2. um 21.00 Auer am Ancien Cinéma zu Veianen
Gëschter gouf dien neien CD “Haddocks and French Kisses” geliwwert. Dir kënnt en elo direkt hei bestellen.
An de Claude “Sibi” Sibenaler huet och de Video op youtube gesat: “Willie and the handjive” weist d’Winklepickers als Lëtzebueregr Kultband. Musst dir onbedingt kucken!
2001 hunn de Roger Melcher an de Roland Meyer d’Winklepickers gegrënnt an et war vu virera kloer, datt de Rhythm and Blues sollt ganz uewen op der Lee stoen. Dëst ass déi emotional opgeluede Musik, déi déif am Blues verwuerzelt ass an déi hiere Rhythmus aus dem Jazz hëllt. Esou entsteet en energesche Mix dien d’Leit net roueg sëtze léist, se opstoen an danzen deet.
Op die berühmten Chicagoer Groussstaadtblues baséiert, mat Elementer vum schwéieren, breeden Deltablues duerchsat a gedriwwen vum stuerazegen, séieren engleschen Pub-R&B kënnt d’Musik vun de Winklepickers op een duer…
Esou ass de Slogan, die mir gesicht hunn fir déi zwou Release-Partyen. An Zesummenaarbecht mam “Bluesclub Lëtzebuerg” an zesumme mat “Crossroads”, déi hiere neien CD “Second chance” virstellen, presentéiere mir “Haddocks and French Kisses”.
Éischten Owend: freides, den 10.2.: Sang a Klang am Gronn - Opening 20.30 Auer
Zweeten Owend: samschdes, den 11.2.: Ancien Cinéma zu Veinen - Opening 21.00 Auer
Déi zwee Owenter ass den Entrée fräi!
… fir Iech all, déi Dir heiansdo hei op mengem Blog laanschtkuckt.
Viru genee engem Joer hunn ech dien éischte Post gemaach an elo ass et un der Zäit fir de Bilan (sic!) ze maachen. Ech weess net, wivill Leit dës Säit besicht hunn, mee an dienen nächsten dräi Deg probéieren ech dat nach erauszefannen. Versprach!
2011 war am Prinzip e gutt Joer: de “Schwaarze Péiter”-Programm vum “Kabaret Sténkdéier” huet ronn 4000 Leit gelackelt, mat de “Winklepickers” hunn ech “Haddocks and French Kisses” opgeholl , dat elo zu Trierweiler bei Skywalk gemastert gëtt an e puer fulminant Concerte gespillt, d’Theaterschoul huet sech gutt entwéckelt, ech hat eng Rei flott Liesungen, “Méi ass et net” vum Remy Kraus, Tom Kraemer a vu mir ass erauskomm, “Dem Kinnék säi Bësch”, en Theaterstéck fir dat internationaalt Joer vum Bësch ass a ville Schoule gespillt ginn, mam “Holzwuerm” hu mir de “Kinnék ouni Kroun” virun 2300 Spectateure gespillt, de Ministère huet meng Broschüre iwwer d’Theaterschoul als Courrier-No spécial erausginn, “Muedebëtzeg” ass esou gutt wéi fäerdeg a kënnt geschwënn eraus…
Mir wënschen ech datt 2012 grad esou gutt gëtt an Iech nëmmen dat BESCHT!
Nuvelle fir de Februar: den 10.2. ass d’Party am Sang a Klang a Clausen an Zesummenaarbecht mam “Lëtzebuerger Bluesclub”. Den 11.2. gesi mir eis zu Veinen am “Ancien Cinéma”. Mir schwätzen am Moment mat “Crossroads”, déi hiere neien CD och dëser Deg fäerdeg maachen, fir de Release zesummen ze organiséieren.
Ech war schonns e bëssen erféiert, wéi ech gelies hunn, wat se zu Miersch alles iwwer mech zesummegesicht hunn. Mee net nëmmen iwwer mech, nee och nach iwwer “eng Millioun” aner Lëtzebuerger Auteuren. Respekt! Do ass gutt geschafft ginn an et ass wierklech interessant, eng Kéier am Lexikon vun de Lëtzebuerger Auteuren vum Mierscher Literaturzenter (Maison Servais) laanschtzekucken.
Den 10.2. an der Staadt an den 11.2. zu Veinen am “Ancien Cinéma” stelle mir eisen neien CD “Haddocks and French Kisses” vir. Fir all déi, déi um Rhythm’n Blues à la “Winklepickers” interesséiert sinn…
Dëse Weekend hunn den Daniel Meyer an de Paul Neuen de neien CD fäerdeg gemixt. Elo gëtt d’Musik als nächst nach zu Trierweiler gemastert an da kann et lass goen. Fir den 10. an 11.2.2012 sinn d’Release-Partye geplangt.
