Roland-Meyer.lu

Haut - 17.10. - geet et lass: Première vum Programm 2013 “Héichwaasser” vum Kabaret Sténkdéier. Mir freeën eis, datt et endlech esou wäit ass, mee eis geet och zolitt de Wapp!
Lauschteren op RTL …

www.Luxembourgticket.lu

Mar geet et lass! D’Première vum neie Programm vum Kabaret Sténkdéier: 17.10.2013.

D’Generalprouwe si gelaf, erschreckend gutt(!!!), a bis elo ass och nach kee krank. - Den Owend RTL lauschteren! Géint 19.30 Auer en Interview am “Feierowend”.
Wéi all Joer war de Claude “Sibi” Sibenaler dobei an huet Fotoe gemaach.

Hei kënnt Dir eng Rei dovu gesinn…

E Sonndeg, den 13.10. stellen ech dien neie Programm “Héichwaasser” vum Kabaret Sténkdéier beim 100,7 vir. Wann Dir wëllt laschteren, da schalt spéitsdens géint 17.40 Auer an.

Radio 100,7

Kabaret Sténkdéier

Um 19.30 Auer geet et lass am Centre - Beim Nëssert, 14, rue de Schifflange, L-3316 Bergem.

Dir kënnt Iech hei nach umellen: 55 05 74 68.

NEI: An hei sinn e puer Fotoen…
Zickelalarm

Et war mir guer net opgefall, ech sinn eigentlech keen, dien sech fir esou Datumen, Jubiläumen an Traditiounen interesséiert. Mee wéi ech elo fir en Interview Recherche gemaach hunn, ass et mir opgefall:

Dës Saison kritt de “Kabaret Sténkdéier” seng 25 Joer!

Et war am Hierscht 1988, wéi mir eisen éischten Optrëtt als Sténkdéieren haten. Et war um Fest vum Mouvement Écologique a mir waren zu dräi do: Den Alain Adams, de Remy Kraus an ech.

Ass et dann net schéin, datt grad dëst Joer den Alain nees dobei ass!

www.stenkdeier.lu

De Keller vum Nationale Literatuzenter zu Miersch ass elo esou gutt wéi ausverkaf. Fir sécher ze sinn, nach Plaze fir den “Héichwaasser”-Programm vum Kabaret Sténkdéier ze kréien, melt Iech einfach am Mierscher Kulturhaus.

Hei de Link.

Den 8.10. geet et um 19.30 Auer zu Monnerech am Centre Arthur Thinnes - Beim Nëssert weider mat dem “Zickelalarm”, an dat trotz de Neiwaalen!

“An enger kabarettistescher Liesung an den Zentrum vu Kannerbetreiung, Hausaufgabenhëllef, Burnout an Erzéiungsfrust hëlt de Roland Meyer kompromis-, respekt- a matleedslos dien aktuelle Stand hei zu Lëtzebuerg op de Leescht.”

Entrée: 10 €
Hei gëtt et weider Informatiounen.

An hei fand Dir die neiste Clip op Youtube.

Hmm, de Moie war ech an der Staadt um Maart.

Dräi Stänn vu politesche Parteien hunn ech gesinn: déi Lénk, d’DP an déi Gréng.

Ech hu mech virun all Stand gestallt: déi Lenk hu mech ugeschwat, ech kruet e Proramm, déi Gréng hu mech och ugeschwat, ech kruet e Programm, just virum DP Stand hunn ech mech  e bësse verluer gefillt. De Bëttel huet zwar immens haart gedeedegt, mee et huet sech keen em mech bekëmmert.

Dat muss Zoufall gewiescht sinn, hunn ech mir gesot. Ech hunn eng Stonn dropp de Vesuch nach eng Kéier gemaach:

Dat selwecht Resultat: bei diene Gréngen a bei diene Lénken sinn ech direkt ugeschwat ginn, ech hunn zwar net nach ee Programm geholl, mee et gouf mat mir geschwat. Bei der DP huet kee mech bekuckt, si hunn eng Foto gemaach, de Bëttel mat sengem Schal an der Mëtt.

Wat léieren ech doraus: déi Gréng an déi Lénk këmmeren sech em mech, der DP sinn ech egal, si këmmeren sech léiwer em sech selwer.

Just eng Fro hunn ech mir gestallt: wou sinn d’Regirungsparteien?

Gëschter hunn d’Prouwen ugefaangen, de Programm steet esou wäit, un der Musik gëtt nach geschafft. Esou kann een dien aktuelle Stand beschreiwen.

Vill Leit soen: wat hutt dir dëst joer Polfer, bei all diem wat geschidd ass, bei all diene Skandalen an Affairen.

Mee esou einfach ass et net. Mir hunn de 17.10. Première; dat sinn dräi Deeg virun dienen esougenannte “virgezunnenen Neiwaalen”. Do kann et sinn, datt eis ganz schaarf Munitioun vun engem Daag op dien aneren naass gëtt, an dann…

E ganzt Fréijoer sote mir, wat zum Beispill de Bommeleeër-Spektakel ubelaangt, mir misste nach waarden, fir eppes ze maachen, do kënnt sech nach villes doen. Mir hu bis elo gewaart, an trotzdeem… wierklech aktuell bleiwen kann een do wuel net… och wa mir dru schaffen!
Et gëtt also nach e spannende Mound bis et de 17.10. lassgeet.

Hutt dir är Plaze schonn, wann net, da waart net méi ze laang. Et si schonn eng Rei Owenter ausverkaaft!

www.stenkdeier.lu

www.luxembourgticket.lu

Hei kënnt dir den Artikel op RTL-Kultur iwwer dem Kabaret Sténkdéier säi neie Programm liesen.

An hei ass de Site vum Kabaret Sténkdéier.