Am Hierscht stinn nach eng Rei “Zickelalarm”-Liesungen op der Lee. Hei emol eng éischt Iwwersiicht:
8.10.: Beim Nëssert - 14, rue de Schifflange - L-3316 Bergem/Mondercange - 19.30 Auer
24.10.: Prabelli - 8, rue de la Montagne - L-9538 Wiltz - 20.00 Auer
3.12.: Cercle / Auditorium Henri Beck - 2, rue du Genistre - L-1623 Luxembourg - 18.30 Auer
Ech freeë mech!
Am Hierscht geet et lass: Première ass de 17.Oktober!
Texter: Alain Adams, Tom Kraemer, Roland Meyer
Regie: Roland Meyer
Et spillen: Conny Braquet, Géraldine Posing, Raymond Bertemes, Nico Dabé, Tom Kraemer
Héichwaasser - eis all steet d’Waasser bis zum Hals, eist nationaalt Draamschëff ass zolitt op Grond gelaf an elo heescht et paddelen fir de Kapp iwwer Waasser ze halen.
E regelrechten Tsunami vu Skandaler ass iwwert eis gefeegt: Bommeleeër-Prozess, SREL-Archiv, Stay behind, Enquête-Kommissioun, Oflauschter-Aueren, Neiwahlen, OPE, Aarbechtslosenzuelen…
De Pegel klëmmt weider an a sengem Trëndel gesi mir de Lëtzebuerger Modell ofsäufen.
Déi éischt Raten hun de Naache scho verlooss an eise Kapitän Juncker schnaapt no Loft a sicht verzweifelt no engem Rettungsreef.
SOS - a wäit a breet keng Arche a Siicht, déi eis rette kéint ?
De Sibi war mat op Bour an huet den Zickelalarm gefilmt. Hien ass elo am gaangen, no an no e puer Ausschnëtter op Youtube ze publizéieren.
Déi hei kënnt dir elo schonns kucken:
Roland Meyer - Zickelalarm - De Schoulmeeschter
Roland Meyer - Zickelalarm - D’Schoulmeeschteschpeien
Roland Meyer - Zickelalarm - Selbstgesteiert Léieren
Roland Meyer - Zickelalarm - Teaser
Villmools merci Sibi a vill Spaass beim Kucken!
Den 10. Juli sinn ech em 20.00 Auer zu Bartréng am Festsall vun der Arca fir déi drëtt Ronn vun den “Zickelalarm-Liesungen”.
Bis elo e Risenerfolleg: Bour: 50 Persounen, ausverkaaft - Ettelbréck: 80 Persounen, ausverkaaft!
Hei kënnt dir Ausschnëtter aus “Zickelalarm” kucken
Hei kënnt dir fir Bartréng reservéieren: 621 626 132 oder www.kameidi.lu
14.6.: “Den décken dommen Dudu - Mango Panda”; vun décken an dënne Kanner - fir Kanner - zu Diddeleng an der “Regionaler Bibliothéik” - 1. Liesung: 8.30 Auer / 2. Liesung: 10.00 Auer / 3. Liesung: 14.00 Auer
24.6.: “Den décken dommen Dudu - Mango Panda”; vun décken an dënne Kanner - fir Kanner - zu Miersch am Lycée Ermesinde - 14.50 Auer
7.7.: CNL-Summerfest zu Miersch an der Maison Servais / um 14.00 Auer geet et lass, ech liesen um 17.00 Auer
10.7.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - zu Bartréng an der Arca - 20.00 Auer
24.10.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - zu Woltz am Prabbeli - 20.00 Auer
3.12.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - an der Staadt am Cercle / mardis littéraires - 18.30 Auer
Et wir flott, wa mir eis eng Kéier bei enger Liesung ginge begéinen.
De Claude “Sibi” Sibenaler war mat op Bur fir ze filmen a fir Fotoen ze maachen. Merci Claude!!!
Hei, als “Appetizer”, fir déi nächst Owenter, den “Trailer”. An diene nächste Wochen kommen Extraiten aus dem Programm op Youtube. Kuckt also heiansdo hei lanscht, fir um Lafenden ze bleiwen.
Hei kënnt dir den Trailer vun Zickelalarm kucken.
PS: De Programm heescht wierklech “Zickelalarm”, an net, wéi haut am “Wort geschriwwen: “Zickenalarm” 
De Claude Mangen vum 100,7 huet e Reportage iwwer d’Geschicht vum “Kabaret Sténkdéier” gemaach, déi ëmmerhin schonns 1988 ufänkt.
E Freideg de 24. Mee kënnt dir dës Emissioun op 100,7 lauschteren: um 9.05 moies an nach eng Kéier um 19.30 Auer owes an der Rediff..
Op Invitatioun vum “Bartrenger Kaméidi” sinn ech den 10.7. um 20.00 Auer zu Bartréng an der Arca.
Villmools merci all diene Leit, déi mech gëschter bei der Première vun Zickelalarm zu Bur un der Sauer esou wierklech gutt ënnerstëtzt hunn. Doduerch ass dien Owend fir mech zu eppes ganz Besonneschem ginn, dien ech net vergiesse wäert!
De Claude “Sibi” Sibenaler huet gefilmt, esou datt dir déi beschten Szene geschwënn op Youtube kënnt kucken. Villmools merci och him.
“Nom Spill ass virum Spill”, heescht et am Futtball, an esou huelen ech et och elo sportlech a preparéiere mech op Ettelbréck: den 23.5. geet et um 20.00 Auer an der Bibliothéik lass; den Entrée ass fräi.
Eng weider Zickelalarm-Liesung gëtt et den 10.7. zu Bartréng am Arca.
Wann dir “Zickelalarm” wëllt buchen, da kënnt dir iech hei u mech wenden.
Bildungsreform: Kompetenzsockelen, PEP, Zickelen, PRS, Smily-Evaluatioun, Portefolio-Orientatioun, Charta-Hysterie a Ballermann-Pedagogik…
Edukatioun ass ee ganzt schwéiert Geschäft an Humouer ass wann een trotzdeem laacht!
Wat eis nach bleift ass dacks just de Gaalgenhumouer… an dobei hat alles esou schéin ugefaangen, d’Kanner kréie keng ongerecht Punkte méi a bleiwe net méi sëtzen, d’Elteren däerfen och emol endlech matschwätzen an d’Léierpersonal schafft ënnereneen a mat dem Rescht vun der Welt harmonesch zesummen a kritt dofir nach méi an der Pei. Wéi kann een esou eng wonnerschéi Reform iewer nach an de Sand setzen? Gëtt et um edukativen Terrain um Enn gutt verstoppte Minnen,gëtt et geféierlech Saboteuren am Ënnergrond oder esouguer pädagogesch Bommeleeër?
An enger kabarettistescher Liesung an den Zentrum vu Kannerbetreiung, Hausaufgabenhëllef, Burnout an Erzéiungsfrust hëlt de Roland Meyer kompromis-, respekt- a matleedslos dien aktuelle Stand hei zu Lëtzebuerg op de Leescht.
De 15.5. zu Bur an der Brennerei: 730037 - vevelux@pt.lu
