Ech sinn op d’mannst grad esou gespaant wéi Dir, wéi mäin éischte “Solo-Programm” gëtt. Selwer geschriwwen a selwer virgedroen.
an hei ass d’Plakat vun Ettelbréck
An hei kënnt Dir mech fir den “Zickelalarm-Tour” kontaktéieren
7.5.: “Den décken dommen Dudu” - fir Jugendlecher - Zu Miersch am “Lycée Ermesinde” - 14.50 Auer
15.5.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - zu Bour an der “Brennerei” - 20.00 Auer
23.5.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - zu Ettelbréck an der Bibliothéik - 20.00 Auer
14.6.: “Den décken dommen Dudu - Mango Panda”; vun décken an dënne Kanner - fir Kanner - zu Diddeleng an der “Regionaler Bibliothéik” - 1. Liesung: 8.30 Auer / 2. Liesung: 10.00 Auer / 3. Liesung: 14.00 Auer
10.7.: “Zickelalarm” - eng kabarettistesch Liesung iwwer Erzéiung a Schoulreformen, engem dach éischter schwierege Geschäft… - zu Bartréng an der Arca - 20.00 Auer
14.7.: CNL-Summerfest zu Miersch an der Maison Servais (Detailer kommen nach no)
Et wir flott, wa mir eis eng Kéier bei enger Liesung ginge begéinen.
An Avant-Première: zwee Terminer fir dee literaresche Kabaret “Zickelalarm”:
Den 15. Mee um 20.00 Auer zu Bour an der “Brennerei”.
Den 23. Mee um 20.00 Auer zu Ettelbréck an der Bibliothéik.
Dono geet de Programm op Tournée; hei kënnt Dir Iech mellen.
Hei drënner gëtt et Informatiounen.
Edukatioun ass e ganzt schwéiert Geschäft an Humouer ass wann een trotzdeem laacht! Wat eis nach bleift ass dacks just de Gaalgenhumouer.
Bildungsreform: Kompetenzsokelen, PEP, Zickelen, PRS, Smily-Evaluatioun, Portefolio-Orientatioun a Ballermannpedagogik; eis Leit an de Ministèren hu sech wierklech eppes afale gelooss an elo geet alles besser!
An enger kabarettistescher Liesung an den Zentrum vu Kannerbetreiung, Hausaufgabenhëllef, Burnout an Erzéiungsfrust huelen ech kompromis-, respekt- a matleedslos dien aktuelle Stand hei zu Lëtzebuerg op de Leescht.
Première ass deemnächst an der “Brennerei” zu Bour.
“Héichwaasser” ass den Titel vum neie Programm, die mir nees vum halwen Oktober u spille wäerten.
Bei de Schreiwerten huet sech eppes geännert: nieft dem Tom Kraemer a mir schreift den Alain Adams elo am Remy Kraus senger Plaz.
“D’Waasser steet eis bis zum Hals, an amplaz schleunegst eppes ze ënnerhuelen, kucke mer faszinéiert dem Bommeleeërprozess no, do wou een alen Affekot de Clown zum beschte gëtt, een ale Procureur versicht, nach eenegermoossen gutt eweg ze kommen an eng ganz Rei al Männer méi oder manner domm an d’Géigend kucken. Ma hu mir soss näischt ze dinn? Een ausrangéierte Buergermeeschter verkeeft um Réck vu senge Mataarbechter d’Luxair an die schankerabbeleche Frieden zielt eis ee Kannermäerche no diem aneren… Elauter Zombien! Lues iewer sécher kréie mir all d’Féiss naass, d’Boot sauft of, a mir hale nach esou just d’Nues iwwer Waasser! Wéi laang geet dat nach gutt?”
“Humor in pädagogischen Situationen”: 17. Auflage des Symposiums für die Verantwortlichen der Freizeitaktivitäten in den Gemeinden (14.03.2013)
Das Symposium für die Verantwortlichen der Freizeitaktivitäten für Kinder und Jugendliche in den Gemeinden findet 2013 bereits zum 17. Mal statt.
Organisiert wird das Symposium vom CAPEL (Centre d’animation pédagogique et de loisirs) der Stadt Luxemburg und vom Service national de la jeunesse.
Dieses Jahr lautet das Thema des Symposiums: “Humor in pädagogischen Situationen”.
Nach Geschichten der beiden luxemburgischen Autoren Roland Meyer und Guy Rewenig, die einen humorvollen Blick auf die Kinderbetreuung in Luxemburg werfen, haben die Teilnehmer die Möglichkeit an 4 verschiedenen Workshops zu folgenden Themen teilzunehmen:
“Verrückte Spielketten” - Thomas Wodzicki
“Humor in der Pädagogik mit Mitteln des Tanzes, Theaters und Spiels” - Nicki Stemmer
“HUMOR als Chance um im beruflichen Alltag zu GEWINNEN!?” - Herbert Mlicko
“Clown: D’Konscht vun der Stäerkt duerch Oppenheet, Verletzlechkeet a Präsenz” - Dennis Wezenberg
Während diesen Workshops erhalten die Teilnehmer/innen neue Impulse für ihre Arbeit und haben die Möglichkeit, sich mit Kollegen auszutauschen.
Communiqué par le Service national de la jeunesse et la Ville de Luxembourg
Maacht iech e puer flott Momenter a gitt d’Revue vum Lëtzebuerger Theater kucken.
Och dëst Joer hunn ech nees e puer Dommheete bäigesteiert 
.
Hei gëtt et méi Informatiounen, d’Terminer an de Flyer:
Op villfache Wonsch vun Iech huet de Claude “Sibi” Sibenaler d’Stéck “Tellerminnen” aus eisem “Kabaret Sténkdéier”-Programm 2012 “Eng hallef Millioun Expären” online gesat.
Fir all déi, déi et nach net kennen: et geet em déi komesch Aart a Weis, wéi mir an de Restauranten d’Iesse presentéiert kréien 
!
An diene leschten Deeg sinn ech schonns e puermol drop ugesprach ginn: et gëtt Rumeuren, d’”Sténkdéieren” géifen ophalen, dëst wier hiere leschte Programm gewiescht. Dat ass iewer falsch. Ech hoffen et op alle Fall emol ganz staark!
Et ass dat hei: nodeem de Remy Kraus sech déi lescht Joeren ëmmer méi zréckgezunn huet, hien huet schliesslech d’Pensioun, huet hien elo decidéiert, och net méi mat ze schreiwen. Dat ass sécher net gutt, de Remy ass net ze ersetzen, ouni hien wäerten Texter net méi dat sinn, wat se emol waren. Hie war de “Kitt”, die villes zesummegehalen huet. Mee et geet iewer weider, ënner iergend ënger Form, zu zwee, alleng oder och vläicht mat engem Neien nees zu dräi. Emol ofwaarden…
Et wier dach ze schued, wann et keen neie Programm méi ging ginn Oder?
Ganz vill Ufroen hu mir och dëst Joer nees kritt, fir datt mir mat der “Sténkdéier-Equipe” bei Iech spille kommen. An der Zäit hu mir dat alt probéiert, mee mir hu keng gutt Erfarungen domat gemaach. Fir eis als Amateuren, déi alleguer dien Dag drop nees um 8.00 Auer op der Schaff si mussen, ass dat ganz schwéier. Wëll mir all Owend wëllen die selwechten héige Nivo halen iewer moies grad esou fit op der Schaff sinn, bleiwe mir zu Miersch. Do si mir sécher, Iech kënnen all Owes dat ze bidden, wat mir wëllen.
