Jubiläum: De “Kabaret Sténkdéier” gëtt et elo 25 Joer!
Et war mir guer net opgefall, ech sinn eigentlech keen, dien sech fir esou Datumen, Jubiläumen an Traditiounen interesséiert. Mee wéi ech elo fir en Interview Recherche gemaach hunn, ass et mir opgefall:
Dës Saison kritt de “Kabaret Sténkdéier” seng 25 Joer!
Et war am Hierscht 1988, wéi mir eisen éischten Optrëtt als Sténkdéieren haten. Et war um Fest vum Mouvement Écologique a mir waren zu dräi do: Den Alain Adams, de Remy Kraus an ech.
Ass et dann net schéin, datt grad dëst Joer den Alain nees dobei ass!