Haut geet et lass: de “Kabaret Sténkdéier” ass am Nëssert zu Biergem (14.11. um 20.00 Auer)
Och fir eis ass dëst eng total Première! Nodeems mir net méi kënnen am Keller vum Nationale Literaturzenter spillen, hate mir decidéiert, nieft Miersch och eng Kéier an d’Éisleck an eng Kéier an de Minette ze goen. No diem grousse Succès die leschte Weekend zu Maarnech am Cube 521 - villmools merci iech all - ass d’Rei elo um Kulturzenter “beim Nëssert” zu Biergem. Mir si richteg gespaant, wéi mir am Minett empfaang ginn a freeën eis op déi 3 Virstellungen.